შაკირა იზაბელ მებარაკ რიპოლი (დაბადების თარიღი 2 თებერვალი, 1977წელი) ცნობილი როგორც შაკირა, კოლუმბიელი მომღერალი, კომპოზიტორი, ინსტრუმენტალისტი, მუსიკალური პროდიუსერი და მოცეკვავეა, რომელიც ლათინური ამერიკის პოპ მუსიკის სცენაზე წამყვანი ფიგურაა 1990-იანი წლებიდან.
2001 წელს მან ინგლისურენოვანი ალბომი ჩაწერა, Laundry Service, მსოფლიოს მასშტაბით ალბომის მილიონი ეგზემპლარი გაიყიდა.
ორგზის „გრემის“ ჯილდოსა და რვაგზის ლათინური „გრემის“ მფლობელი შაკირა კოლუმბიის ისტორიაში ყველაზე გაყიდვადი მომღერალია 50 მილიონი ალბომით.
ის, ასევე, ერთადერთი სამხრეთ ამერიკელი მომღერალია, რომლის სიმღერებმა ჩარტებში Billboard Hot 100, Australian ARIA, United World Chart და UK Singles Chart პირველი ადგილები დაიკავა. United World Chart-ის ინფორმაციით შაკირა 2007 წლისათვის 2000-იან წლების ყველაზე წარმატებული მეოთხე შემსრულებელი იყო.
