მერაია ქერი (დაბადების თარიღი 27 მარტი, 1970) — ამერიკელი მომღერალი, კომპოზიტორი, მუსიკალური პროდიუსერი და მსახიობია. მისი, როგორც მომღერლის, დებიუტი 1990 წელს, Columbia Records-ის აღმასრულებელი დირექტორის ტომი მოტოლას ხელმღვანელობით შედგა და მალე იგი იქცა პირველ მუსიკოსად, რომლის პირველი ხუთი სინგლი აშშ-ს ბილბორდის ცხელი 100-ეულის სათავეში მოექცა.
1993 წელს, მოტოლასთან ქორწინების შემდეგ, იგი Columbia Records-ის გაყიდვების ყველაზე მაღალი მაჩვენებლების მქონე მუსიკოსად იქცა.
გინესის მსოფლიო რეკორდების წიგნის მიხედვით, არ არსებობს მსოფლიოში სხვა ვოკალისტი, ვისაც მერაიაზე უკეთ შეუძლია მაღალი ნოტებისათვის მიწვდომა.
